(((( مساجلة شعرية بين حبيبين ))))

( مساجلة شعرية بين حبيبين )

هي ..

اهموم اهواك ماخّّّّّلن ...علي حال
فرضه وحبك امن الله ...على الحال
يالتنشد على حالي ...على حال
شيفيد النشد عالصار بيه

هو ..

الج بس انتي كََََلبي ..ورجيته
ودمع العين يمج ...ورجيته
ابتعد كلمن نخيته ..ورجيته
ولا واحد اجاني وحن عليه

هي..

رعيتك ليش كَََََلبك ...ما رعاني
ويهمك فت دليلي ...وما رعاني
مره احبس ابدمعي ..ومره اعاني
ومره اطيح روحي ابين اديه

هو..

احد سجين صبري وجن ...ولاحد
التفت وما شفت ربعي ...ولاحد
شجم سبت اليمر بيه ...والاحد
اجي بس شوفتج تصعب عليه

هي..

لتهم بالعمر خلصان ..وحده
وانا ضعني سره بالهوى ..وحده
حلت جنهه بعيونك غير ..وحده
وكمت لا تسأل ولا تمر بيه

هو..

غيرج ما حله بعيني ..ولاطاب
ولا دونج دخل كلبي ..ولاطاب
يجرحني وياج ما هوّّّّّّّد ..ولاطاب
دم ينزف ولا تدرين بيه

هي..

محبتك تجري وي روحي ..وي دماي
وعليك انشّّّّّلت اعضامي ..ويدماي
انجويت ابأيد ناري ..وي دماي
ولكن من يطابكََََََهن سويه

هو..

عليج الروح راحت ..من يردهه
او وكيحه اهمومي صارت ..من يردهه
خطيه الروح ملّّّّّت ..من يردهه
لان بس الصبر لبس عليه

تحياتي