خمسة فرفشة

موضوع: خمسة فرفشة الإثنين نوفمبر 02, 2009 2:16 pm

خمسة فرفشة

أثنين فى السوق زوجاتهم تاهوا منهم بيدوروا عليهم ‏،واحد بيسأل التانى هى مراتك شكلها ايه..
قاله: مراتى بيضة وشعرها أصفر ولابسه بلوزة قصيرة وشفافة وشورت جينز ‏ضيق، وبعدين سأله وانتا مراتك شكلها ايه؟
قاله سيبك منها تعال ندور على ‏مراتك.

واحد إتصل بمراته وقال لها "انا كسبت مليون دولار جهزى شنطتك بسرعة"
‏قالت له:" طيب اجيب معايا ‏هدوم صيفى ولا شتوى؟"
‏ قالها : " ‏شيلى كل هدومك المهم آجى مالاقيكيش في البيت"

واحد كل مايروح حته ياخد مراته معاه حتى لما يروح يجيب حاجة من البقال اللى تحت ‏بياخدها معاه، واحد صاحبه سأله قاله انت بتاخدها معاك كل حته ليه؟ قاله عشان ‏لما ارجع البيت ماسلمش عليها ولا أضطر أبوسها

مرة واحد هو وابنه ميعرفوش هو ايه الاسانسير بس شايفين الحيطة عمالة تتفتح وتتقفل وهما مش فاهمين حاجة .... المهم جت واحدة عجوزة داست على الزر اللى في الحيطة ودخلت الاسانسير وبعد شوية الاسانسير نزل وطلعت منه شابة جميلة ..... الراجل بص لابنه وقاله روح هات امك هنا بسرعة

واحد غبي بيقول للصيدلي إدينى حقنة من اللى بتاخدھا مراتى
الصيدلى سأله: اسمھا ايه؟
قاله: مديحة

واحد لاقى مراته بتخونه مع صاحبه جاب المسدس وقتله

صرخت ‏فيه وقالتله اهى عصبيتك دى هى اللى هتخسرك كل اصحابك

واحد وهو بيموت بص لمراته بصه كلها رومانسيه وقالها: انا لما اترفدت كنتى معايا،
و لما عييت وقفتى جنبى، ولما فلست برضوا كنتى معايا،
و دلوقتى لسا جنبى،
ثم مسك ايدها بحنية جامدة
وقالها : مش عارف ليه حاسس انك نحس