كلمات رائعه للشاعر المرحوم رحيم المالكي اسكنه الله فسيح جناته
اديب الله محمد كامل التكوين
تلميذ الجلاله ابمدرسه قدره
عليه صلى الاله اواسرى بيه جبريل
من مكه العظيمه القبة الصخرة
ابن خير الامم ومشرف التاريخ
الامين الصادق ايسمونه من زغره
منو غيرك تدلى ابحضرة الرحمن
نبي موسى ابطوى من كلم المعبود
جا كلي الكرامه البيك من يا نوع
ارتضالك منتعل وتلامس الحضره
اوجبريل امتنع من وصل خط ممنوع
كلك هذا حدي اومارضى ايعبره
اذا بس للدلاله رافقك جبريل
وانته البيه عرج وبصايتك اسرى
كشف كل الحجب عن وجهك اودلاك
اوسولفلك اسرار المسأله الخطره
مسأله الامامه اومنهو يحمي الدين
اومنو اليبدي الخيانه اويتضح غدره
واجزم ما تردد رحلة المعراج
كلهه اتخص علي وفاطم الزهره
ولا قبلك نبي خصه الاله ابهاي
وصل للمنتهى وتفيه بالسدره
ربك بيك منقذ بشر الهل كون
اودلاله الجيتك وكتملت البشره
طفت نار المجوس ابمولدك للدوم
الجبل يتصدع ويخشع امن القرأن
اوحرف من هل ذكر ما يحتمل صدره
وعلى صدره نزل مجمل كلام الله
اوحمل هاي الرساله ومارجف صدره
كلي شوسع صدرك سيدي اومولاي
حمل ثكل الرساله لجل هاي الناس
حتى اتشق دربها الوادم الفقره
وتأملت النداء بصبر يامولاي
واول ما اجاك بصورة الاقره
حولت البداوه بكل رباطه جاش
وشع نورك صراط يعبر المتيهين
الى ضفت النجاه الواضحه الاخرى
الإثنين ديسمبر 29, 2014 8:41 pm من طرف sky datashow
