ما عنـــــــــــــدي

ما عندي
هذي قصيدة للتي في خاطري

ماعندي صبر والصبر كلي وياك
ياهو اللي يجيبه وياهو ليودي

انه ادري تحبك كله هاي الناس
بس محد يحبك اكثر بكدي

يالشايل عيوني وحاطك تصوير
ليش انه على شوفك صاير مجدي

من يوم العرفتك بالدمع غطيت
ولليوم الدمع هل لازك بخدي

كاتلني العطش عطشان وانته الماي
اركض على السراب الكاه متبدي

يالكلك عليه وبالوصل شحيت
صوتك خل اسمعه اتكول ماعندي

يالضدي صفت بالعكس كله وياي
وانت اول الوادم هل صرت ضدي

تعال اقنع دليلي ومنك انته ايتوب
متحدي بغرامك وانت متحدي

ازعل وبالزعل والله انكلب بركان
واموت من البرد وتصالح الوحدي

اتهده وهل طبع مالايك انت وياك
وهم شفت العثر فديوم متهدي

للشاعر جواد الساعدي