اقره عيون كلبك من تغمض العين

اقره عيون كلبك من تغمض العين
ومن دون البشر بس انت تقراني
جن الناس بعدك كلهم ابلا عين
يسألوني وكلهم ذوله عمياني
اهز شباج حسنك من احس بجوع
واكل ذكرياتك واشرب احزاني
كاعك ماعفتهة وعفت كاعي تبور
لاكاعي ازرعته ولا حصدت آني
شفت النار تاكل شجر وكت الليل
بس ربك ستر ماطلع بستاني
وذرني الوكت خذ مني كل الحيل
فوك الظيم كله برمله ذراني
وكعت السوالف فوك ع شفتين
بس كلمة احبك بقت بلساني
لو تيهت مرة وجاي تسأل وين؟
دمعي اباب بيتي يدلي صحباني
إذا قصة العمر لابد نهايه تكون
وانه بلا نهايه وتاه عنواني
مافكر جنت اعشك وحبن يوم
بس شيطان شعري عليك وزاني
وزاني بمحبتك هاي جانت وين
جراني اعله حبك كوة جراني
تيهني وتهت وانه الجنت ماتيه
دنيه تهد علي ماتلوي ذرعاني
واشهدله نعم انه انهزمت وياه
لويته انه كبل بس هسة لاواني
راح احجيهة لله كبال كل الناس
ضيم المر عليه اليوم حجاني
ما أذيته والله وقسم بالقرأن
بس شفته يتسله بيوم أذاني
رغم هذا الجرالي وياه ماندمان
فتوة لكيتله من مفتي روحاني
خلاصة ما فتاه يكول كله يجوز
يؤجر لو يعذبك اجر رباني
وبما ان الأجر كله بعذابي وياك
راح ارجع وعيد الكره من ثاني
راح ارجع وعيد الكره من ثاني
تحياتــــــــــــي