ابوذيات بقلمي المتواضع

السلام عليكم
ابوذيات بقلمي المتواضع
اتمنه تنال رضاكم
@@@@@@@
وحق رمضان وصيامه ولمساك
ابد ماملن صباحك ولمساك
يسويهه البخت خايب ولمساك
احس الجنه صارت بين اديه
@@@@@@@
جرحك مابره ولادار حوله
بدليلي ومن بديت الشرك حوله
الوكت ينضر عليه بعين حوله
سلب روحي وطلع مشتبه بيه
@@@@@@@
سجاجين الوكت بحشاي بردان
حزين وصرت بالصيف بردان
صرت مجبور اشد اردان بردان
ولاامد للشماته اجفوف ايديه
@@@@@@@
شعجب دفتر عشكنه ماتكلبه
وليش انته اليكلبك ماتكلبه
ترى كلبي بغيابك مات كلبه
كلب كلبي توفه وعم عليه
@@@@@@@
يكولون الهوى للعشاك شل حال
وغرامك حيل بالدلال شل حال
يسالوني انه الحبوب شل حال
انه ميت بسبب فركاك اليه
@@@@@@@
بده كلبي يود غيرك وحكك
وعيني ماتصد لجلك وحكك
وعاتب بيك يوميه وحكك
لان ماعندك كلب يسال عليه
@@@@@@@
بحبل حبنا منو الخربط وشربك
ونسيت شلون اوكلنك وشربك
حقد كلبك على شايل وشر بيك
وتخالفنه وحلم نرجع سويه
@@@@@@@@@
اخزرتني انت ولان بلخزر رباك
ارتبكت انه وصرخت ادخيل رباك
ولك كلبي بدلال وخير رباك
ويعثرك اوردت تبعد عليه
@@@@@@@@
ابوك بكثري ماودك ولماك
بدليلي اجروحك وهمك ولماك
زين انت الوكت طشك ولماك
انا طحين وزماني ايذري بيه
@@@@@@
يطر بيه الحزن شكدر شطر بيه
وكتاب الفرح ماكاتب شطر بيه
ميه بلحزن ماخذ وشاطر بيه
لان بس هو عندي وهاي هيه
@@@@@@@
ودي واحترامي
شاعر الدموع والاحزان
اتمنه ان تنال رضاكم

شكرا على الموضوع الرائع