الى الامام المهدي عج

يالمهدي هذا الليل ناشر ظلامه
الكه من أتيه بيه نورك علامه
بنورك طريقي أنه استدل
عنوان أسمـــك للعـــــدل
___________________
أنته نجمة نور يـــــــــــم باب الظلام
اليدكه بجفـــــه يطلعلـــــه الغـــــرام
وينجبر بهـــــــــــواك ياصبح الوئام
شمس وتشـــــع بالــــــــيل وجهك يمولاي
كل داي بيه من العشــــــــك حسيتك دواي
لوحمل مايل ينعدل
عنوان أسمك للعدل
_____________
بروحي وردة جنتك فاحــــــت رياحين
وتظهر بعطرك من اشم كــل المظامين
عقلي ودليلي ومهجتي صاروا مجانيين
هذا النظـــــر مشتـــــــاك طـــــــلت عيونك
عيشـــــت ظــــــلام ولــــــيل تصبح بدونك
بدونك ستاير تنسدل
عنوان أسمك للعــدل
_____________
أنه عاشرتك محـــــب وأغلـــــه حبيب
يالمريض بحبـــــــــك وأنتــــه الطبيب
أنه نبتـــــــه وشمســــــك تحب المغيب
يم جـــــــــرفك وعطشـــــــان زرع المحبه
أسمـــــــك ارسمـــــــــه انهار وبكلبي أكتبه
بروحي شوكك يعتدل
عنوان أسمك للعــدل
_____________

ياضمير الحـــــــــق فلا مثلك ضمير
اليمشي بدروبـــك صعب باجر يحير
أنت يالمهـــــــدي بأرض مالك نضير
من حيـــــــدر الكـــــــــرار وارث شجاعه
عن كـــــــل ذنب مـــــــــولاي حبك مناعه
حبك على الجنه يدل
عنوان اسمك للعدل
____________
بوسط شريان العشــــك كلبي اليتانيك
عن شوكي لهفات شكثر لمن احاجيك
هذا اليعادي بغيبتـــــــك كل اليعاديك
كلبي بهواك يعيش كـــــــل عمره مسجون
يمتى الفرج مولاي وتفــــــــــــرح العيون
مالك قرين وأبتـــــدل
عنوان اسمك للعدل
___________


خادم اهل البيت ع
الشاعر طالب الشطري